PROGRAMA
ELECTORAL

O PROGRAMA ELECTORAL DE ALBERTO VALVERDE
INCLÚE OS SEGUINTES PUNTOS:

Veciños e veciñas,

Tedes nas vosas mans unha base do que vai se-lo programa de actuación do Partido Popular no concello de Nigrán para os próximos catro anos. Son os trazos básicos que dependen en moito de que contemos co voso apoio o próximo 27 de maio, un día moi importante para os homes e mulleres que me acompañan neste proxecto centrado en Nigrán, centrado en vos.

Levamos trinta anos de democracia e temos que aproveitar todo o que ata agora se fixo ben, pero non dubidaremos en comezar de novo todo o que sexa preciso, mesmo o Plan de Urbanismo. Ademais comprometémonos a ter reunións periódicas en tódalas parroquias con todos vós.

Presentámonos como somos, sen ataduras, coa ilusión de que contando co voso apoio, Nigrán debe seguir prosperando. O Partido Popular se renova, cheo de esperanza no futuro, sen mirar atrás. En nome de todos nós, só me resta pedirvos que o próximo 27 de maio depositedes en nos a vosa confianza.
 

SERVIZOS E INFRAESTRUCTURAS

Cremos fundamental que os servizos básicos de Nigrán deben seguir mellorando de cara ao futuro, apoiando as iniciativas e o desenvolvemento do Área Metropolitana e a Mancomunidad do Val Miñor.

• Ampliación da rede de abastecemento de auga e saneamento.

• Incluír a Nigrán no proxecto “Cidade Dixital” para conexión inalámbrica a Internet, para potenciar o acceso ás novas tecnoloxías en todo o municipio.

• Impulsar a creación de novos aparcadoiros e a mellora do transporte público cos municipios colindantes e co Campus Sur da Universidade.

• Impulsar a creación de Servizos de Seguridade (Policía Nacional e Bombeiros).

• Esixir a mellora das infraestructuras viarias (Circunvalación do Val Miñor)con vías alternativas que liberen de tráfico os núcleos urbanos.

• Crear un carril bici entre Ramallosa e Panxón e dotar de beirarrúas as zonas que o necesitan.

Descárga o Programa electoral en

[ ir arriba ]

ASUNTOS SOCIAIS

Serán prioritarios na nosa acción municipal a atención específica aos máis necesitados, atendendo aos problemas da terceira idade, ós discapacitados, a infancia, a mocidade, a inmigración e ós desfavorecidos.

• Creación dunha oficina de “Atención ao Cidadán” para unha atención máis persoal cos veciños.

• Eliminar as barreiras arquitectónicas dun modo progresivo en cantos lugares públicos sexa posible e propoñer a súa eliminación nos recintos privados.

• Facilitar o uso e a instalación de Centros de Día e residencias xeriátricas.

• Estudar a creación de máis garderías e espazos de lecer infantís.

• Apoio decidido aos Centros Culturais e Asociacións do municipio.

• Reunións periódicas cos veciños e veciñas en tódolas parroquias.

[ ir arriba ]

SANIDADE E EDUCACIÓN

Queremos mellorar os servizos sanitarios e educativos do noso Concello, dun modo integrado coa normativa comunitaria, que fagan de Nigrán un lugar para vivir e gozar todo o ano.

• Posta en marcha dunha ambulancia medicalizada durante o período estival e nas épocas de maior afluencia de residentes.

• Negociar a ampliación do Centro de Saúde de Panxón.

• Participar na planificación e xestión sanitaria de acordo coa Lei de Ordenación Sanitaria de Galicia.

• Promover, de acordo coas diferentes asociacións, charlas educativas sobre saúde, planificación familiar, prevención,…

• Creación dun Área Deportiva e educativa municipal.

• Creación dunha Escola de Comunicación Audiovisual con recuperación da radiotelevisión de Nigrán

[ ir arriba ]

URBANISMO

Propoñemos recuperar o consenso e fundamentar o desenvolvemento urbanístico coa participación de todos os colectivos políticos e sociais, para un Plan de Ordenación que sirva para o Nigrán que todos queremos.

• Estudar a posibilidade de constituír unha xerencia de urbanismo local, como órgano coordinador e planificador do desenvolvemento urbanístico de Nigrán.

• Contar cunha representación técnica e social en cada parroquia para establecer as súas posibilidades e necesidades urbanísticas.

• Priorizar que no novo Plan figuren áreas dedicadas á construción de vivendas sociais para favorecer o acceso á primeira vivenda dos máis novos.

• Dimensionar os usos, tipoloxías e aproveitamentos do chan dacordo coas normas legais que rexen a súa elaboración e desenvolvemento.

• Concentrarse naquelas accións do Plan que sexan de maior utilidade para os veciños, cun control rigoroso e minucioso da súa implantación.

[ ir arriba ]

DESENVOLVEMENTO ECONÓMICO

Necesitamos seguir progresando dentro dunha economía globalizada; aproveitar os beneficios que supón a creación do Parque Empresarial, evitando ao máximo os seus posibles impactos negativos.

• Favorecer o desenvolvemento económico do municipio a través das melloras que ofrece a creación do Parque Empresarial.

• Prestarase especial atención a potenciar o desenvolvemento do comercio, como fonte económica de ingresos básica.

• Impulsar a creación de novos postos de traballo, que deixen valor engadido no municipio, cunha clara aposta polas industrias non contaminantes.

• Colaborar na organización de actividades dirixidas á formación para emprendedores, xestión empresarial e promoción.

• Apoiar as iniciativas dirixidas a potenciar a mellora da economía local dun modo organizado e coherente.

[ ir arriba ]

CULTURA, TURISMO E DEPORTES

Dotar de contido os servizos culturais, como un dos eixes fundamentais para os veciños desta vila no século XXI, así como establecer políticas dirixidas a promocionar o turismo e o deporte en Nigrán.

• Potenciar o labor que realizan os grupos e colectivos culturais: teatro, corales, baile, etc.

• Apoiar as manifestacións tradicionais, gastronómicas e festivas das distintas parroquias do Concello, así como espectáculos para todos os públicos.

• Promocionar competicións deportivas de alto nivel durante todo o ano.

• Potenciar a presenza de Nigrán en feiras turísticas e promover o turismo tanto vacacional como en estancias curtas durante todo o ano.

• Promover o turismo rural, con rutas de senderismo e visitas paisaxísticas.

• Evaluar o impacto que suporía para Nigrán a instalación dun campo de golf e doutras instalacións.

• Acondicionar os miradores do municipio, balcón do Val Miñor e do Océano Atlántico, como lugares de esparcimento e lecer.

Descárga o Programa electoral en

[ ir arriba ]

MEDIOAMBIENTE

Respectar o medioambiente é unha tarefa de todos, e desde o Concello queremos ser os primeiros en garantir o mellor nivel de protección do noso entorno contribuíndo ao desenvolvemento sostible de Nigrán.

• Control e vixilancia do uso adecuado de colectores e de vertidos incontrolados.

• Posta en marcha de novos puntos limpos no concello naqueles lugares que creen as mínimas molestias para todos.

• Recuperación de fontes e lavadeiros públicos.

• Coidado medioambiental das praias, tanto no seu medio mariño como nos areales do noso litoral.

• Redefinir a recolleita de lixo e planificar a recolocación de novos colectores.

• Xornadas educativas para concienciar da importancia e necesidade de coidar e manter limpo o noso Concello.

[ ir arriba ]

Venres 25 de maio

Cena Fin de Campaña
leer más...